Markmið KompetansePluss styrkjakerfisins er að veita starfsfólki með stutta formlega menntun tækifæri til að styrkja grunnleikni sína, auk þess að efla færni sína í norsku og samísku.
– Til að ná árangri í þeim umbreytingum sem gerð verður krafa um í framtíðinni verðum við að fjárfesta í fólki og gefa því tækifæri til að læra alla ævi. Nú munu enn fleiri fá nauðsynlega þjálfun til að halda áfram að leggja sitt af mörkum í atvinnulífinu, segir Sigrun Aasland, ráðherra rannsókna og háskóla.
Áætlunin er vinsæl. Stofnun æðri menntunar og færni (Hk-dir) fer með umsjón hennar. Til hennar bárust tæplega 480 umsóknir á þessu ári. Sótt var um tæpar 250 milljónir króna.
PIAAC2
Niðurstöður PIAAC2-könnunarinnar sýna að um 15% fullorðinna í Noregi skortir lestrarkunnáttu og 13% hafa takmarkaða talnaleikni. Að sögn framkvæmdastjóra Hk-dir, Sveinung Skule, er Kompetansepluss mikilvægt tæki til að efla tengsl við atvinnulífið fyrir fólk með takmarkaða grunnleikni. – Þegar þjálfun í þess háttar færni fer fram í atvinnulífinu getur það leitt til hvatningar meðal þátttakenda til eflingu annarrar færni, segir Skule.
Nánari upplýsingar um Kompetansepluss á norsku: Ríkisstjórnin í Noregi úthlutar 87 milljónum í fræðslu á vinnustað – regjeringen.no
