Norðurlendskt Netverk fyri Vaksnamannalæring hevur arbeitt við einari verkætlan, sum kannar, hvat tað er, ið forðar fólki í at taka lut í og gera nýtslu av teimum talgildu ágóðunum. Granskararnir hava eyðmerkt fimm eyðsýndar forðingar, og hava í tí sambandi orðað nøkur tilmæli til teirra, sum arbeiða við og taka avgerðir í spurningum, sum m.a. snúgva seg um inklusjón og førleikamenning.
Heldur enn at leggja ábyrgdina á tann einstaka, vísa tilmælini á bygnaðarligar forðingar, forðingar í samskifti og viðurskiftum millum manna, umframt kensluligar forðingar.
Tey fimm tilmælini, sum NVL vísir á, kunnu lætta um samtaluna og samskiftið við tey, sum skulu taka avgerðir í politisku skipanini, undirvísarar og kt-stuðlar, og á tann hátt finna felags leiðir at ganga.
Tak niður fílu her.
