– Skortur á atvinnufærni er ein stærsta áskorun sem samfélagið stendur frammi fyrir. Skýrslan veitur okkur mikilvæga þekkingu fyrir áframhaldandi vinnu, sagði Oddmund Hoel (Sp) ráðherra háskóla og vísinda þegar hann tók á móti skýrslunni: NOU 2025-1: Sameiginleg ábyrgð, sameiginlegur ávinningur þríhliða samstarfs um hæfniþróun í atvinnulífinu.
Dag Terje Andersen, formaður nefndarinnar, lagði við afhendinguna áherslu á að Norðmenn búi við góð skilyrði fyrir umskipti – einkum með því að efla þríhliða samstarf um færnistefnu.
– Náin samvinna aðila atvinnulífsins og ríkisins er brýn til þess að árangur með símenntun í atvinnulífinu náist, sagði Andersen. Hann lagði einnig áherslu á að nauðsynlegt væri að til væri stafrænn vettvangur með yfirliti yfir mismunandi tilboð og verkfæri ætluð atvinnulífinu.
Fulltrúar i nefndinni eru sammála um nauðsyn og markmið að stuðla að færnistefnu og samstarfi aðila til að efla færniþróun í atvinnulífinu og veita öllu starfsfólki góð tækifæri til nauðsynlegrar færniþróunar. Hins vegar náðist ekki samkomulag um hvernig ætti að fjármagna þetta.
Skýrslan NOU verður sett í umsagnarferli veturinn 2025.
Bakgrunnur
Nefndin um færniumbætur hefur kannað hvernig aðilarnir þrír geta auðveldað endurskipulagningu og nám í atvinnulífinu. Heildarmarkmiðin eru háleit, stöðug atvinna, vinna gegn auknum ójöfnuði sem og að tryggja framboð á hæfu starfsfólki sem atvinnulífið þarfnast. Nefndin hefur skoðað aðgerðir sem geta, saman eða í hver í sínu lagi, örvað fyrirtæki og starfsmenn til að afla sér þeirrar hæfni sem atvinnulífið kallar eftir.
Nefndin um færniumbætur var skipuð af konungi í ríkisráði þann 20. júní 2023. Verkefnið var að kanna hvernig aðilarnir þrír geta auðveldað endurskipulagningu og nám í atvinnulífinu. Forsenda þess eru heildræn markmið um mikla og stöðuga atvinnuþátttöku, vinna gegn auknum ójöfnuði og að tryggja framboð á starfsfólki með færni sem atvinnulífið þarfnast.
Í nefndinni sitja fulltrúar átta helstu samtaka vinnumarkaðarins. Starfsmenn í ráðuneyti um stafræna væðingu og opinbera stjórnsýslu hafa verið fulltrúar ríkisins sem vinnuveitanda. Skrifstofa nefndarinnar hefur verið hjá stofnun um æðri menntun og færni.